(((((((((((((كيكو ودركولا راحو يخطبو حسنية بنت عم داوود))))

الشخصيات



كيــــــكوو: بطل القصة وبيحب البت حسنية

دراكولا : صاحب كيكو وبيحب الهزار وحافظ الامثال كلها

عم داوود : والد حسنية وشغلته عجلاتى

حسنية : مصارعه محترفه ودى اللى الولا كيكو بيحبها


بسم الله الرحمن الرحيم


دراكولا مــاشي مع كيكو


متشيكين وعلى سنجة عشرة

عارفين رايحين فين



رايحين لعمو داوود العجلاتى عشان يخطبوا حسنية

كيــــكوو : ايه رأيك فى الجزمة

دراكولا: الفردة اليمين احلى ...قولتلك هات جزمة لون واحد ...مسمعتش كلامى

وعلى رأى المثل

اطبخى ياجاريه ....الأنبوبه فاضيه يا سيدى

كيكو : ياجاهل.... ايش فهمك انت فى الموضة...جتكوا الارف مليتوا البلد


مش احسن من البدلة اللى انت سارقها من جدك...هههههههه

دراكولا: يابنى على رأى المثل


اللى بيته من إزازميغيرش هدومه فى الصالون

كيكو : طيب يلا بسرعه عشان عم داوود مستنى على نار وابوس رجلك ابعد عن الامثال بتاعتك اللى تودى فى داهية



دراكولا : يعنى هوه هيطير ...اصبر شوية


وعلى رأى المثل


اصوم اصوم وافطر على المدفع
بس المفروض كنت تتصل بعمك داوود قبل مانروح

وعلى رأى المثل

اللى يتلسع من الشوربه يتصل بالمطافى ¦
كيـــــكوو : ابويا شايل كل ارقام التليفون من العدة مفيش الا رقم 1 و 2 و3

دراكولا : ههههههههه واشمعنى دول يعنى


كيكوو: علشان لو حبيت اطلب الاسعاف

دراكولا : دا على اساس انك بتتخنق كتير وعاوز تدردش مع حد

على رأى المثل

من خرج من داره مينساش يأخد المفتاح معاه


كيكوو : يلا بقى وبطل لماضة عشان نلحق الراجل

دراكولا : عمك داوود ده وشه بيفكرنى بلوحة (انتبه امامك نقطة تفتيش)

ياجدع الراجل ده مبعرفش قفاه من وشه ...المفروض يعلق لوحة على وشه ويكتب عليها (وش)

ويعلق لوحة على قفاه ويكتب عليها (ممنوع الضرب)

وعلى رأى المثل

اللى ياكل لوحده يشبع


كيكوو : طبعا حافظ الورقة اللى انا اديتهالك عشان تقولها لعم داوود



وابوس ايدك بلاش الامثال بتاعتك


قول اللى فى الورقة بس


دراكولا : خلاص ياسيدى حافظها والله



وعلى رأى المثل



قالوا للحرامى أحلف قالهم وحياة قلبى وأفراحوا¦


وعاوزك تخلى حسنية تحس انك احسن واحد فى العالم

كيكوو : ان شاء الله هثبتلها ان انا احسن من رونالدينيهو

دراكولا : مين رونالدينيو ده

كيكوو : ده واحد بيبيع فسيخ ع الناصية بس واد مقطع السمكه وديلها

دراكولا :انا مش عارف البت حسنية بتحبك على ايه....دانتا عمرك ماقولتلها كلمة حب

انت لما اتصلت بيها امبارح قولتلها كلام الحب اللى حفظتهولك؟

كيكوو : والله انا حفظت الكلام صم ولما اتصلت وسمعت صوتها نسيت كل الكلام اللى انا حافظه ورحت قايلها

احنا هنيجى نخطبك بكره ....اعمليلى شاى وحطى فيه معلقتين سكر ابيض

دراكولا : وقلتلها ان انا بحبه سكر زياده

كيكوو : اه طبعا

دراكولا :اشق هدومى ولا أولع فى نفسى........وبعدين يعنى ايه سكر ابيض ....هوه فيه سكر اسود؟

كيكوو : لا اصل حوحو فهمها بطئ شوية

دراكولا : مين حوحو ......الحمار بتاعكم

كيكووو : لا ده اسم الدلع بتاع حسنية

دراكولا : هما سموها حسنية ليه؟

كيكو : ده كان اسم المعزة عند جدها وبيقولوا شبها بالظبط

دراكولا :ههههههههههه.....انا قلت كده برده

على رأى المثل :

القرش الأبيض بيعوم فى البحر الأحمر


دراكولا : هوه ده البيت ؟



كيكو : اه هوه



كيكوو : اضرب الجرس

دراكولا : لا ياعم ...عمك داوود مضايق منك وشكله مكهرب الجرس



كيكوو : ماشى ياعم الناصح ....



وضرب كيكوو الجرس



ساعة

ساعتين

تلاتة



ومفيش حد بيرد



وبعدين واحد معدى من جنبهم سألوه .....هو مفيش حد هنا ولا ايه



قالهم لأ دا النور قاطع

هييهي هيهي (مستعبط فيها اوى)

كيكوو : طيب نادى عليه يابيكهام

دراكولا : نادى انت انا بخاف منه



كيكوو : ليه؟



دراكولا : انت مش فاكر لما كنت باخد لفه بالعجلة واتأخرت وعمك داوود خد القميص



كيكوو : ودا يوم يتنسى....ساعتها انت خدت حتة علقة من ابوك



دراكولا : على رأى المثل



اتغدى و اتمدى و اتعشى و اتمشى


رد عم داوود وطبعا صوته مسمع آخر الحارة


مين الحيوان اللى بينادى



دراكولا : يلا نمشى ياعم .....انا خايف اوى



كيكوو :انا ياعمو داوود

داوود : اه حصلنا الارف


وطبعا ولاد عمو داوود بيجروا فى الشقة



دراكولا : مين دول ياعم داوود

داوود : دول ولادى



دراكولا :يااااااااااااااه كلهم؟



داوود : اه كلهم

دراكولا : يالهوى يالهوى يالهوى






دراكولا : على راى المثل



اكفى القدرة على فمها ..يندلق الفول منها

وفى اللحظة دى تدخل حسنية تقدم الشربات وطبعا شعرها كله جاز وريحة التوم جايبة اخر الحارة

دراكولا : تسمحيلى بالرقصة دى


كيكو: نعم نعم نعم

داوود : هو مين اللى هيتجوزها فيكوا

دراكولا : ياعم احنا الاتنين واحد

كيكوو : انت بتقول ايه ياجدع انا جايبك معايا عشان تتجوزها انت

دراكولا : انا اللى هتجوزها ياعم داوود والشقة جاهزة

كيكوو: ههههههههه ولما تاخد الشقة اللى حيلتكم ...الجاموستين هيباتوا فين؟

دراكولا: طيب يلا نلعب كيلو بامية واللى هيكسب يتجوزها

داوود : بس انا مش لابس لبس الكورة ومش بحب البامية

دراكولا :جتك الارف وانت شبه السيد قشطة

حسنية : اجى العب معاكوا والنبـى

ولما جت حسنية وهيا بتلعب معاهم ..ايديها المأشفة لمست ايد دراكولا

وبعدين مسك ايديها

حسنية قلعت الجزمة وعلى دماغــــه لحد ما أغمى عليه

كيكوو: تسلم ايديكى يامعلمه حسنية

حسنية : وانت يلا بتعرف تطبخ

كيكوو: دانا اطبخ وامسح واعملك كل اللى انتى عاوزاه

حسنية : آبا آبا انا هتجوز الواد ده

كيكوو: دنا هخليكى اسعد مخلوقة فى الدنيا

وياريت نتجوز بسرعه ونركب الهليكوبتر عشان نقضى شهر العسل فى ميت غمر

كيكوو بص لدراكولا وهو على الارض ومش قادر يتكلم وقاله : على رأى المثل

اللى يخاف من العفريت يعمل عبيط

حسنية : نعم نعم انا عفريت ياض انت


وراحت حسنية مطلعه مطوة قرن غزال من جيبها اللى ورا وراحت غزاه فى قفاه وعلقته على النجفه


كيكوو وهو يلفظ انفاسه الاخيرة : مبروك عليك الرجل الحديدى يادراكولا

وعلى رأى المثل

ضربوا الأعور على عينه قالهم كسرتوا النضاره


بس خــــــلأص


تعيشو وتاخدو غيرها

تحـــــــــــــــــــــياتى

}{}{ TIGER }{}{