((:: حوار مع البحر ::))

حكاية عاشق ولهان
************
إسمعنى يا صديقى حقولك حكايتى
جايز يا بحر تكون دى بدايتــى

بدايـة لرحلـة حب وغرام
إبتدت الرحلة وقت السلام

وقت السلام فى يوم لؤانا
كان يوم جميل جمع هوانا

كانت البدايـة يا بحـر قصادك
يوم ما إلتقينا فى حضن ودادك

ساعتها شعورى كان مش عادى
لمـا حبيبتـى كانــت قصادى

أعزرنى يا بحر علشان سميتها
حبيبتـى مانا فعـلاً حبيتها

بصيت لعنيها فى لحظة لقيتنى
فـى دنيا تانيـة عنيها خدتنى

فى عنيها سحر دوبنى
وفيهـم سر غلبنـى

وفى صوتها ملكنى أجمل إحساس
حسيت إنهــا أرق النــاس

خطفت قلبـى وحبيتهـا
وبكـل مشاعرى حسيتها

دى كسرت أبواب قلبى ودخلت
وجوا قلبـى خلاص دى سكنت

وآدى يا بحـر حكايتى معاها
سحرت قلبى عشقت هواها

خلاص يا بحر أنا قولت حكايتى
حكايتـى معاها دى هيا بدايتى

بداية رحلة جميلة لإنسان
دى حكاية عاشق ولهان

مع تحيات
العاشق الولهان
TIGER